Beartas teanga: an aimsir óg páipéar ocáideach 7

Tugtar faoi phleanáil teanga nuair a chruthaítear ionad nua don teanga sa saol. Comhartha atá i ngníomhaíocht phleanála na teanga, más ea, ar athrú suntasach polaitiúil sa phobal urlabhra. Ardú stádais agus gradaim ba chúis leis an bpleanáil don Ghaeilge ó bunaíodh an stát, bíodh an phleanáil ar ról na teanga nó ar fhoirm na teanga féin. Disciplín acadúil atá sa phleanáil teanga chomh maith, ar cuid den tsochtheangeolaíocht fheidhmeach é. Pléitear múnlaí na pleanála teanga mar ábhar feidhmiúil acadúil i dtús an Pháipéir seo, ach moltar ina dhiaidh sin gur mithid dúinn sprioc an taighde a choigeartú. Is iad polaitíocht teanga phobal na tíre, nó na bpobal éagsúil atá sa tír, agus gníomhafíocht na n-údarás uile i leith a gcuid teanngacha, an t-ábhar taighde is torthúla sa réimse seo. Tugtar beartas tennga ar an ngníomh agus ar an disciplín acádúil sin.